વાતો બધી એ અધૂરી બોલે છે,

પછી એની આંખડીઓ બોલે છે.

કાનમાં આવી એ સુનું બોલે છે,

કાયમ ઘણું એની યાદો બોલે છે.

“હું નથી”, દિશા બધીય બોલે છે.

મનેય થાય કે કોઇ તો બોલે છે.

ચૂપકીદી સાધી પડઘાઓ બોલે છે,

આંખોમાં કેદ આ અશ્રુય બોલે છે.

અગૂઢ અજાણ કોઇ જણ બોલે છે.

સાંભળ રે દિલ, ઉર-ઈશ બોલે છે.

દફન થયો છું, સહુ કોઇ બોલે છે,

તોયે એની વાતો મને બોલે છે.

નહી બોલું કહીનેય બોલે છે

– એરિસાય, તો એની કિટ્ટાય બોલે છે !

યુગોથી હંમેશ જ જમાનો બોલે છે.

તોયે કહે બધા, “તું બહુ બોલે છે.”