થોડાક શબ્દો ઉચ્ચારવાથી અગ્નિની સાક્ષીએ લગ્ન થાય છે અને થોડાક વધુ શબ્દો ઉચ્ચારવાથી ઘરમાં અગ્નિનો સાક્ષાત્કાર થાય છે! સંતાનને સારા સંસ્કાર આપવા ગમે તેટલા પ્રયાસ કરો .. આખરે તો એ મા- બાપનેજ અનુસરશે ! પ્રશ્નો તો રહેવાના જ . સુખી લોકોને પ્રશ્ન થાય કે શું કરીએ તો ભૂખ લાગે, અને દુઃખી લોકોનો પ્રશ્ન છે કે ભૂખ તો લાગે છે, પણ શું કરીએ ! ઇશ્વરનું બેલેન્સ કેવું અદભુત છે . પાંચ મણ ઘઉંની બોરી ઉપાડી શકે તેમજુર એકી સાથે ખરીદી ના શકે ! અને જે ખરીદી શકે છે, તે શેઠ તેને ઊપાડી ના શકે ! જીવનમાં ફક્ત એક સારી વ્યક્તિનો સાથ હોય તો આખી જિંદગી જીવી શકાય છે, પણ ક્યારેક ફક્ત એ એક સારી વ્યક્તિની શોધમાં આખી જિંદગી વીતી જાય છે ! દરેક માણસ પાસે એક એવું મોટું કબ્રસ્તાન હોવું જોઇએ, કે જેમાં એ પોતાના મિત્રોના દોષો દફનાવી શકે ! અને છેલ્લે .... શ્વાસ ખુટી જાય અને ઈચ્છાઓ બાકી રહી જાય, તે મોત ! ઈચ્છાઓ ખુટી જાય અને શ્વાસ બાકી રહે, તે મોક્ષ !
TopJokes.in